تحذير لمرضي الضغط والقلب والسكر
أبسط لقمه بيأكلها الغني والفقير والمريض والسليم هي رغيف وحته جبنه
لكن هل أنت متأكد أن الجبنه اللي بتأكلها جبنه بجد فيها بروتين وكالسيوم وفيتامينات ومعادن ومعموله من لبن حقيقي ولا خدعه كبيره انت عايش فيها .. ؟
الموضوع ممكن نتكلم فيه علي عدة حلقات لانه طويل ومعقد
لكن نبتدي بأول معلومه صادمه
هات كده أي علبة جبنه فيتا او دومتي من التلاجه وشوف مكوناتها
تلاقي المكونات لبن بقري او جاموسي مجفف _ دهون نباتيه من نواة النخيل وملح وبوتاسيوم ومكسبات طعم
كلمة دهون نباتيه بتعدي علينا كلنا وكلمة نباتيه بتخلينا نفتكر انها حاجه حلوه ونطمن
لكن ده نصب واحتيال من الشركات لأن الدهون النباتيه إذا تم هدرجتها تصبح من اخطر السموم علي جسم الانسان
عشان كده بيسموها trans fat او الدهون المتحوله يعني بتتحول من الصوره السائله للصوره الصلبه
زيت نواة النخيل زيت طبيعي وجميل جدا لكن لا يتحمل الحراره والتخزين ورخيص جدا
الشركات بتجيبه وبتهدرجه بعمليه كميائيه بتحوله لدهن مشبع صلب يتحمل التخزين والحفظ وبيعطي طعم حلو كأن الجبن كامل الدسم بس 🔫دسم قاتل لان تناوله يسبب ارتفاع الكوليسترول الخبيثLDL وكمان بيقلل الكوليسترول النافع HDL وبيزود فرصة التعرض للازمات القلبيه والسكتات الدماغيه وتطور مرض السكر من النوع الثاني وربطت بعض الدراسات بين الدهون المتحوله وبعض انواع السرطان
في جميع دول العالم المحترمه بقي بيتكتب علي علب الجبنه خالي من الزيوت النباتيه
ومثال كده جبنه كيري وبريزيدن في مصر
اما فيتا ودومتي وطعمه وجرين لاند وباندا وحلايب وكل الماركات دي مش جبن اصلا
ده زيت مهدرج مضاف عليه بودرة لبن مجففة خاليه من كل فوايد اللبن
ومحتواها من الكالسيوم والفيتامينات والبروتين لا يعتمد عليه في نمو ابنك وتكوين جسمه
وجرب تحط حتة جبنه فيتا في طبق وسيبها مكشوفه هتلاقيها اصفرت ونشفت وتقرف تاكلها
احذروا الجبن الصفراء والمثلثات وقوالب الشيدر والجبن اللي في الكوبايات المصنوعه من الدهون المتحوله الا لما تقرا المكتوب عليها وتتأكد من خلوها من الزيوت النباتيه
ولا تشتروا الا الجبنه البيضا المصنوعه من لبن طبيعي ١٠٠ %وما يكونش ملحها زياده اوي
وتذكروا حقيقه هامه وهي أن شركات الإنتاج الغذائى لا تهتم بصحتك من قريب أو بعيد – فكل مايهمهم هو الحصول على مافى جيبك
تعليقات
إرسال تعليق